Masan and the return of good poetry to Indian Cinema.

I like the idea of an intelligent women who could handle both sides of her brain well ...

This Trailer of the movie Masan has two of the greatest Indian Hindi/Urdu poets

Kahaan asuon  ki ye soghaat  hogi - Bahir Badr

Kahaan asuon ki ye soghaat hogi
Naye log honge nayi baat hogi

Main har haal mein muskurata rahunga
Tumhari mohabbat agar saath hogi

Chiraghon ko aankhon mein mahfooz rakhna
Badi door tak raat hi raat hogi

Pareshan ho turn bhi, pareshan hun mein bhi
Chalo maikade mein wahin baat hogi

Chiraghon ki 10 se sitaron ki zo tak
Tumhen main milunga jahan raat hogi

Jahan wadi yon mein naye phool aaye
Hamaari tumhaari mulaqaat hogi

Sadaaon ko alfaaz milne na paye
Na baadal ghirenge na barsaat hogi

Musafir hein ham bhi musafir ho turn bhi
Kisi mod par phir mulaqaat hogi

Maiñ jise oḌhtā bichhātā huuñ - Dushyant Kumar

maiñ jise oḌhtā bichhātā huuñ
vo ġhazal aap ko sunātā huuñ
ek jañgal hai terī āñkhoñ meñ
maiñ jahāñ raah bhuul jaatā huuñ
tū kisī rail sī guzartī hai
maiñ kisī pul sā thartharātā huuñ
har taraf e'tirāz hotā hai
maiñ agar raushnī meñ aatā huuñ
ek baazū ukhaḌ gayā jab se
aur ziyāda vazan uThātā huuñ
maiñ tujhe bhūlne kī koshish meñ
aaj kitne qarīb paatā huuñ
kaun ye fāsla nibhā.egā
maiñ farishta huuñ sach batātā huuñ